بکرے کے پائے کی بریانی بنانے کی ترکیب

بکرے کے پائے تو آپ نے ضرور کھائے ہوں گے مگر آج ہم آپ کو بتائیں گے کہ بکرے کے پائے کی بریانی کیسے بناتے ہیں، بہت ہی زیادہ مزےدار اور لزیز بریانی ہے اس کے اجزاء بھی سادہ ہیں اور بنانے کا طریقہ کار بھی بہت آسان ہے مگر ٹائم تھوڑا زیادہ درکار ہوتا ہے۔ اگر آپ بریانی کے شوقین ہیں تو یہ ریسپی آپ ضرور آزمائیں اور ہمیں امید ہے کہ یہ بریانی کھانے کے بعد آپ باقی تمام بریانیوں کو بھول جایئں گے۔ ذائقہ کے ساتھ ساتھ یہ صحت کے لیے بھی بہت مفید ہے چاول اور پائے اس کے اہم اجزاء ہیں اور باقی اجزاء بھی صحت کے لیے فائیدہ مند ہیں۔ سب سے پہلے اجزاء کی بات کرتے ہیں پھر بنانے کا طریقہ کار بتائیں گے۔

پائے بریانی ترکیب

اجزاء

بکرے کے پائے چھے عدد

چاول سیلہ ایک کلو

آئل ایک کپ

نمک حسب ذائقہ

لال مرچ پاؤڈر ایک کھانے کا چمچ

کالی مرچ آدھا چائے کا چمچ

کالی الائچی پاؤڈر آدھا چائے کا چمچ

جیفل پاؤڈر تھوڑا سا

بادان کے پھول پانچ عدد

آلو بخارے پانچ دانے

املی کا گودا دو چمچ

دہی آدھا کپ

بریانی مصالحہ دو کھانے کے چمچ

گرم مصالحہ پاؤڈر ایک چائے کا چمچ

ثابت گرم مصالحہ ایک چائے کا چمچ

جاوتری پاؤڈر تھوڑا سا

زردہ رنگ حسب ضرورت

ٹماٹر تین عدد باریک کٹے ہوئے

پیاز دو عدد باریک کٹی ہوئی

سبز مرچ پانچ دانے باریک کٹی ہوئی

پودینہ ایک گٹھی باریک کٹا ہوا

چائنا سالٹ آدھا چائے کا چمچ

ادرک لہسن پیسٹ دو کھانے کے چمچ

لیمن باریک کٹے ہوئے دو عدد

بنانے کی ترکیب

بکرے کے پائے کی بریانی بنانے کے لیے سب سے پہلے پائے اچھے سے صاف کر لیں اور کاٹ کر دو یا تین ٹکڑے کر لیں۔ ایک برتن میں پانی گرم کریں اور پائے اس میں ڈال کر ڈھکن بند کر دیں اور ایک گھنٹے کے لیے پکنے دیں جب گل جائیں اتار لیں۔ 

ایک دوسرے برتن میں آئل گرم کریں سب سے پہلے پیاز ڈال کر براؤن کرلیں اس کے بعد ٹماٹر شامل کر دیں۔ توڑا پانی ڈال کر نمک مرچ اور مصالحہ جات ڈال کر ایک منٹ پکائیں اس کے بعد ادرک لہسن کا پیسٹ ڈالیں اور ساتھ میں سبز مرچ، دہی بھی شامل کریں اور دو منٹ تک پکائیں۔ اب پکائے ہوئے پائے شامل کر کے ڈھکن بند کر دیں تقریباً دو گلاس پانی ہو اور دس منٹ تک پکنے دیں۔ 

چاولوں کو ایک گھنٹے تک پانی میں بھگو کر رکھیں اور ابلتے ہوئے پانی میں ڈال کر بوائل کر لیں اور پانی نکال کر اچھے سے خشک کر لیں۔

اب دم لگانے کےلئے ایک برتن میں تھوڑا سا آئل ڈالیں اور چالوں کی تہہ لگائیں اسکے اوپر پائے کا تیار سالن ڈال کر تہہ لگا دیں، پودینہ اور لیموں بھی شامل کریں اگر مصالحہ تیز رکھنا ہے تو ایک چمچ چاٹ مصالحہ بھی شامل کریں اور اوپر بھی چاول کی تہہ لگائیں اور ڈھکن بند کر دیں۔ پہلے پانچ منٹ تیز آنچ اور 15 منٹ کم آنچ پر دم پر رکھیں۔

مزید پڑھیں : چکن ٹماٹر پلاؤ بنانے کی ترکیب کے بارے میں۔

دم سے اتارنے کے بعد چالوں کو ہلا کر مکس کریں ہماری بکرے کے پائے کی بریانی تیار ہو چکی ہے، اس بریانی کا ذائقہ بہت ہی لاجواب بنتا ہے آپ چکن بریانی کو بھول جائیں گے۔ سیلہ چاول کی جگہ دوسرے چاول بھی استعمال کیے جا سکتے ہیں۔ اگر اس بریانی کا ذائقہ اور مزے دار بنانا چاہتے ہیں تو اس کے لیے آپ کو پائے کے سالن کو پانچ گھنٹے کے لیے ٹھنڈا ہونے دیں اس کے بعد اور بھی لاجواب بریانی بنے گی۔