جلفریزی پلاؤ بنانے کی ترکیب - مزےدار اسپیشل پلاؤ

آج ہم بنانے جا رہے ہیں جلفریزی پلاؤ یہ ایک بہت مزے کی اور عمدہ ڈش ہے اس کے اجزاء بھی سادہ ہیں اور بنانے کا طریقہ کار بھی بہت آسان ہے۔ اس ڈش کو تیار کرنے میں 45 منٹ کا ٹائم درکار ہوتا ہے اور تازہ سبزیاں، گوشت اور چاول شامل ہوتے ہیں تمام اشیاء صحت کے لیے بھی بہت مفید ہیں تو سب سے پہلے اجزاء کی بات کرتے ہیں۔

جلفریزی مزےدار اسپیشل پلاؤ

اجزاء

گاجر دو عدد

بند گوبھی ایک چھوٹا پھول

شملہ مرچ ایک عدد

پیاز ایک عدد

آلو ایک عدد

مرغی کا گوشت ایک پاؤ

چاول آدھا کلو

ٹماٹر ایک عدد

مٹر آدھا کپ

آئل یا گھی ایک کپ

دہی دو کھانے کے چمچ

املی کا گودا دو چمچ

لیمن ایک عدد باریک کٹا ہوا

کشمش اور سبز الائچی پانچ پانچ عدد

پلاؤ مصالحہ ایک پیکٹ

نمک دو کھانے کے چمچ یا حسب ذائقہ

لال مرچ پاؤڈر ایک کھانے کا چمچ

کالی مرچ پاؤڈر آدھا چائے کا چمچ

پاپریکا پاؤڈر آدھا چائے کا چمچ

گرم مصالحہ پاؤڈر ایک چائے کا چمچ

گرم مصالحہ ثابت ایک کھانے کا چمچ

ہلدی ایک چائے کا چمچ

ترکیب اور تیاری

تمام سبزیاں دھو کر کاٹ لیں، مٹر، گاجر اور آلو کو پانچ منٹ ابال لیں جب آدھے گل جائیں تو پانی سے نکال کر خشک کر لیں۔ فرائی پین میں تیل گرم کریں سب اور چکن کو ڈال کر ایک منٹ بھونیں اور اس کے بعد تمام سبزیاں ڈال ایک منٹ پکائیں۔ پیاز، ٹماٹر، بند گوبھی اور شملہ مرچ ڈال کر تمام مصالحے اور نمک مرچ بھی شامل کر دیں اور ایک گلاس پانی لگا کر دو منٹ کے لیے ڈھکن بند کر دیں۔ چاولوں کو اُبال لیں آدھے پک جائیں تو پانی نکال کر سبزیوں میں ڈال کر ہلکی آنچ پر 15 منٹ کے لیے دم پر رکھ دیں۔

مزید پڑھیں: چکن ٹماٹر پلاؤ کیسے بنایا جاتا ہے۔

دم سے اتارنے کے بعد ڈھکن کھول کر پانچ منٹ تک بھاپ نکلنے دیں اور اس کے بعد ہلا کر مکس کر لیں ہمارا جلفریزی پلاؤ تیار ہو چکا ہے۔